十二味不只是烤魚 (Closed)

烤魚比較少食，因為總系覺得多骨，同埋如果處理得唔好，好容易會比較腥。但今日既然朋友甘興致勃勃話要食烤魚，又好難拒人於千里之外。今晚去左紅磡既呢間十二味不只是烤魚，其實就系時新漢堡包附近。價錢比想像中貴左少少 (可能我唔熟市價吧)，但客人都有好多，等位等左10-15分鐘。小食: 醋溜青瓜 - 青瓜爽口而清甜，芯去得乾淨，食落唔會有苦味，加左醋黎醃令青瓜更加香，酸酸地幾開胃。主菜點左一條蒜香味烤江團魚，雖然呢條魚都要逾$300，但系就好大條，非常厚肉而且少骨，比想像中容易進食。朋友亦唔食得辣，所以無辦法點招牌既香辣烤魚，但蒜香味都唔差，蒜香濃厚仲帶少少辣味，食落都幾香口惹味。就算條魚烤左甘耐，魚肉都仲系好嫩滑無散開，肉質仍然保持得幾好，所以應該都系相當新鮮。