潮興隆

Open Now

Now Closed

餐廳主打多款正宗潮汕料理，同朋友仔試咗幾款，見都未見過，全部都係第一次食，超有驚喜，炸物為主，食落唔油膩亦唔會覺得口乾，最緊要地點方便，服務態度有禮，價格親民，值得到訪一試。普寧炸豆腐外皮金黃酥脆，內裏保持軟綿綿口感，入口滑溜，搭配醬汁，幫助提升味道。黃金九肚魚烙好大一塊，脆皮嫩肉，色香味俱全。芋泥卷同鹹蛋卷各四條，前者滿滿芋泥餡料，後者鹹蛋黃味出，令人一試難忘。韭菜粿狂出油但食落唔膩，粉皮煙韌帶軟熟，皮薄餡多，蒸熟後煎香，好好味。鼠（米曲）粿同紅桃粿各有千秋，前者主要成份係花生，後者係糯米餡，一個都幾飽肚，建議Share。甜點方面大推福果芋泥，口感軟綿順滑，甜度適中，配埋白果，必點。