百樂小館 (Closed)

難得今日早放即興約食飯，因為大家都近尖沙咀所以係美麗華行左陣就揀左依間百樂小館試下。此終位於旺區加上時尚裝修，所以最好訂左位先！因為我地六點幾就到，待應俾左近門口既包廂我地，都幾有私隱㗎。我地叫左幾個小菜，我個人特別推介以下兩款。首先就係金華炆大芥菜煲 相信芥菜比較少見，我其實頗介意個種苦澀味。不過以外地配上金華火腿個汁就易入囗得多，同埋個汁撈飯，所以我覺得值得一試！再黎就係冬日限定既足料合時臘味飯，好有幸有機會試到！啲臘鴨，臘腸超好食，加上個飯蒸得好，所以好入味。冬天黎不妨叫番鍋暖下胃！整體黎講啲菜式都好有特色，價位又合理，想試下潮州菜可以黎百樂小館吖！