辣吧 (Closed)

今晚去左諾士佛台搵食，見到呢間新派川菜，主打海鮮大咖，好吸引咁....就入去試試啦餐廳唔似古色古香既川菜館，除左係門口已經聽到流行曲，一入門口就見到酒吧 ...坐低見到餐牌，餐廳除左海鮮大咖同四川香鍋，仲有小食、串燒同熱鍋串串！我地揀左六款海鮮既海鮮大咖（蒜蓉汁）：元貝、鮑魚、膏蟹、海蝦、魷魚筒、大蜆另外可以揀四款配料：白蘿蔔、金菇菜、土豆粉、豆卜上菜啦....好大盤呢！而且佈滿海鮮！等醬汁慢慢滾之後，就可以開始食。D海鮮好新鮮，海蝦仲剝埋殻啖啖肉，而且醬汁好重蒜蓉味又唔辣，小朋友都岩食！配料吸收左汁既精華，好惹味～土豆粉好似烏冬～我諗食得辣既朋友可以揀麻辣，會更正！不過煮到尾聲醬汁變得濃烈、有點咸，建議大家趁熱盡快食清光。