小神燈新派飯館 (Closed)

💡特色新派小菜懷舊特式既餐廳，裝潢好有80年代feel，茶壺餐具富香港特式，牆身有電影懷舊風特色餐牌海報，勁有舊既氣氛。而且環境闊落空間感大，坐得舒服，食物夠鑊氣亦好令我讚口不絕。 🍽糯米炒膏蟹🦀用砂煲黎上菜真係好吸引，熱辣辣香噴噴，膏蟹好大隻，一打開個蟹蓋就嘩左出聲，有好多橙黃蟹膏，蟹肉結實鮮甜，撈埋軟糯煙靭糯米飯一齊係食，索曬蟹既精華，勁香濃，好好味😋🍽蔥蒜水晶雞（半隻）🐔蔥蒜一啲都唔小，蒜香十足，雞肉肉質非常嫩滑，夾住微辛蒜蓉一齊食，好香濃惹味💕 🍽廚皇豉椒炒鵝腸🦆好有大排檔風味，三色椒同洋蔥爆炒鵝腸，鑊氣味十足，每條鵝腸都洗得好乾淨，口感爽脆而且勁入味，餸飯一流👍🏻🍽正宗辣酒煮花螺鮮花螺以醇而不嗆的酒煮製，帶著陣陣麻辣香，師傅以秘製汁料製作，所以食個陣有點辣，但花螺肉質爽滑又無沙，愈食愈過癮。🍽啫啫芥蘭煲 上菜整煲熱辣辣沙沙聲，芥蘭翠綠得黎口感好爽，入面仲有蝦乾，好香口。