Exotica Gelatea (Closed)

行過 Times Square 見到呢間小店，寫住 World’s best wargu burger，咁無得唔去試下佢啦😆一入到去個裝修好有意式異國風情，充滿神秘感嘅氛圍。餐單除咗有 burger 之外仲有扒類同 gelato 🍨 但我哋一心要挑戰佢哋嘅漢堡所以就 order 咗兩款唔同嘅嚟試下。兩款burger 個包都用牛油烘過，夠香夠脆身👍古代漢堡📜相信大家應該都無試過加入咗青醬作為調味嘅burger。翠綠💚青醬嘅香氣令burger 食落比較清新，微微嘅酸度同時可以減低個膩感。唔係一般食開嘅口味，好特別和牛漢堡🐂用上即煎嘅澳洲和牛漢堡扒，和牛扒厚身多肉汁夠juicy。 配埋秘製醬汁，半溶車打芝士、生菜、番茄，好豐富~個人比較喜歡呢款嘅牛肉，肉質更加細嫩值得一提嘅係佢哋嘅咖啡☕️出奇地勁有水準，無諗過一間賣burger 嘅舖頭會飲到杯夠香又complex 嘅 blend，果然係意大利餐廳🇮🇹 coffee matters。