#MC帶你去尖沙咀
.
一年四季都可以打邊爐（火鍋），湯底絕對是打邊爐嘅靈魂！今次依間餐廳，更有特色四格鍋底，一次過滿足曬咁多個口味。
➖➖➖➖➖➖➖➖➖➖➖➖➖➖➖
✨ 花月宮
.
餐廳以中式宮廷風為主題，裝修以加上金色為主色調，營造出氣派典雅嘅氛圍，空間感十足！
➖➖➖➖➖➖➖➖➖➖➖➖➖➖➖
🥢 花月宮特色四格鍋｜$268
.
獨特湯鍋設計，精選四格火鍋湯底，多重湯底多重享受！
.
1️⃣ 藥膳花雕花膠醉雞鍋:鮮嫩滑雞件配以清香醇厚嘅花雕酒，整個湯底麵香氣濃郁，而且鍋底本身仲有淮山、紅棗、黨參、北芪、田七、杞子等高質膳食藥材，加埋滑嫩軟腍嘅花膠，滋補養顏。
2️⃣ 黑松露野菌鍋：以豐富嘅菇菌熬製出菇中精華，加上黑松露味道飄香，增添湯底豐富層次，味道濃郁突出。
3️⃣ 蕃茄濃湯海鮮鍋：番茄湯底濃厚，配以大蝦、青口、小墨魚，鮮甜十足。
4️⃣ 四川麻辣鍋：湯底香麻惹味，辣而不嗆，搭配湯底已有嘅豆腐和鴨血都非常入味，有獨特嘅麻辣風味。
➖➖➖➖➖➖➖➖➖➖➖➖➖➖➖
🥢 涼拌藤椒凍魚皮｜$68
.
晶莹剔透嘅魚皮，惹味而不腥，口感爽脆彈牙，配藤椒醬汁嘅酸甜香辣，十分開胃。
➖➖➖➖➖➖➖➖➖➖➖➖➖➖➖
🥢 爽脆珊瑚蚌｜$108
.
肉質爽脆彈牙，味道十分鮮甜，輕輕一灼已經鮮味十足！
➖➖➖➖➖➖➖➖➖➖➖➖➖➖➖
🥢 蘇格蘭聖子皇（2隻）｜$88 ✨限量5份✨
.
蟶子皇肉厚飽滿而且無縮水，入口鮮甜味美，口感彈牙爽口！
➖➖➖➖➖➖➖➖➖➖➖➖➖➖➖
🥢 薄切牛舌心｜$88
.
肉質非常嫩軟，濃郁牛香，口感柔嫩。涮燙時間大約10秒就可以了！
➖➖➖➖➖➖➖➖➖➖➖➖➖➖➖
🥢 風花雪月手打丸拼盤（12粒）｜$168
.
賣相十分吸睛！一次過試曬6款手打丸！
.
🌰 手打墨魚丸︰雪白晶瑩嘅墨魚丸，餡料有魚肉鮮香味，爽滑彈牙。
🌰 流心芝士墨魚丸︰一口咬開，滿滿嘅芝士鮮香味，口感豐富，爽滑不膩。
🌰 手打鮮蝦丸︰粒粒鮮蝦肉，口感爽口彈牙
🌰 流沙黃金鮮蝦丸︰鹹蛋黃醬配以蝦肉做餡料，味道又幾夾啵。
🌰 手打鮑魚丸︰真係有粒粒嘅鮑魚肉做餡料！
🌰 手打干貝丸︰口感紮實有咬口（嚼勁），以干貝絲做餡料，味道鮮中帶甜。
➖➖➖➖➖➖➖➖➖➖➖➖➖➖➖
🥢 醬芥｜$18/位
.
➖➖➖➖➖➖➖➖➖➖➖➖➖➖➖
