粗店燒烤 (Closed)

星期四已經開心有放假既心情 再岀街食個串燒開心下😍一入去就俾個紙巾袋吸引左 吊住係半空 唔會霸左張枱既位置 好聰明既做法🤣另外 枱面都會有個爐俾你 甘就唔驚d串燒會涷左唔好食🤩一坐低 店員就會俾孜然粉同辣粉 孜然粉入面有堅果成份架❗️涼拌類 我揀左🌟藤椒魚皮🤤 又麻又辣既感覺令人好上癮 魚皮又爽脆有咬口 推介大家一定要叫黎食😍串燒必點既 一定係🌟蒜蓉烤茄子🍆表面鋪有蒜蓉同辣椒 超級惹味 而且茄子都好多肉🤤另外仲叫左🌟雞軟骨: 每一粒都脆卜卜🌟雞皮: 完全唔會有脂肪 好脆口🌟五花肉: 香口！🌟日本諸城雞腎: 口感爽脆🌟烤紐西蘭牛肋肉眼: 烤完都完全唔會靭🌟鮮嫩韮菜: 表面灑左辣粉 juicy🌟日本玉子蛋: 蛋味濃郁 仲有少少木魚絲🌟鹽燒牛舌: 厚肉 幾好咬口🌟炸饅頭: 炸到外脆內軟🌟蜜甜薯:粉粉糯糯🌟粗店烤粟米🌟肥牛金菇卷🌟多春魚最後 無理由唔叫菠蘿🍍表面係焦糖燒到脆脆地 菠蘿又多汁 好好食🤤