銀座開左呢間101 手工小火鍋後一直都好想試但係無人陪我試，今日友人就好好地入來揾我食飯
呢個咁好既機會我當然會拉佢去打個邊啦
話明一人一鍋就當然每人都有個呢D電爐仔啦，因為我地坐到四人卡位所以就有四個呢D電磁爐
今晚既叫既一人鍋係麻油雞！（$69)
我係一個好鐘意食麻油雞既人，因為真係好香而且好補身，台灣人生完仔都係食麻油雞的
滾緊啦！
煲入面除左有D雞之外，仲有菜、台灣腸、豆腐卜、洋蔥、粟米，一個邊爐需要既野佢都有
因為麻油既香味隨住熱力揮發掉後，食落都無上菜時咁重麻油味，但係雙雞除左醃料既味道都十分之滑！
雞作為呢個邊爐既主菜都真係對得住個價錢
我呢鍋雞既份量係大概一隻雞上脾咁大，雖然唔算多，但連埋個碗米線食其實都已經夠飽
另外因為我係第一次打邊類台式邊爐，所以未試過台灣腸拎去邊，但係意料之外好食！
不過大家叫呢個麻油雞前要留意呢個餸係會比較油（因為有麻油而且雞都會出油），所以唔鐘意食太油既人就唔好選擇了
我同友人都有叫到野飲，我個杯係水蜜桃紅茶
其實呢D飲品都係糖漿溝水，所以無乜特別需要講。不過呢杯飲品係偏唔好飲，所以會推薦大家唔好㨂⋯⋯
