Video
Read full review
2023-04-29
81 views
同朋友都好鍾意食泰國嘢，今日穿成嚟到銅鑼灣試試呢間主打fusion泰菜嘅餐廳。一入到去就會見到落地大玻璃窗，環境裝修都好有氣氛！侍應生話俾我哋知，好彩我哋早啲嚟，因為嗰晚稍後時間已經full booking！所以提提大家，如果想食，記得早啲book位！我哋試咗：-香茅雞脾菇蛋碎生菜包平時食開泰式豬肉生菜包，雞髀菇蛋碎就真係無見過！加咗泰式香料同辣椒粉咁炒，酸酸辣辣，加埋粒粒雞髀菇嘅口感，咪話唔過癮，好特別！-炸女婿蛋見到餐牌上係餐廳推介，個名有咁⋯特別，就決定試下！原來係炸過嘅鵪鶉蛋同豬肉片加上泰式甜酸醬，好特別，撈飯一流！-泰式炒金邊粉食泰國嘢點可以唔食炒金邊粉？幾隻大蝦碌，正！金邊粉勁大碟，三個人share 食都得，而且好夠味。-泰式芒果糯米糕佢哋特別嘅地方係糯米糕，預先沾蛋汁再煎，加埋甜芒果同椰汁，咸甜交替，正！店員推介之後，我哋試咗：🍸Cocktail - Purple Dream🍸Mocktail - Flower兩杯都好適合打卡，又易入口，好適合女仔試下！總括嚟講，環境舒服，上菜同服務都好滿意，食物有個特色，值得一試！
一入到去就會見到落地大玻璃窗，環境裝修都好有氣氛！侍應生話俾我哋知，好彩我哋早啲嚟，因為嗰晚稍後時間已經full booking！所以提提大家，如果想食，記得早啲book位！
我哋試咗：
-香茅雞脾菇蛋碎生菜包
平時食開泰式豬肉生菜包，雞髀菇蛋碎就真係無見過！加咗泰式香料同辣椒粉咁炒，酸酸辣辣，加埋粒粒雞髀菇嘅口感，咪話唔過癮，好特別！
-炸女婿蛋
見到餐牌上係餐廳推介，個名有咁⋯特別，就決定試下！原來係炸過嘅鵪鶉蛋同豬肉片加上泰式甜酸醬，好特別，撈飯一流！
-泰式炒金邊粉
食泰國嘢點可以唔食炒金邊粉？幾隻大蝦碌，正！金邊粉勁大碟，三個人share 食都得，而且好夠味。
-泰式芒果糯米糕
佢哋特別嘅地方係糯米糕，預先沾蛋汁再煎，加埋甜芒果同椰汁，咸甜交替，正！
店員推介之後，我哋試咗：
🍸Cocktail - Purple Dream
🍸Mocktail - Flower
兩杯都好適合打卡，又易入口，好適合女仔試下！
總括嚟講，環境舒服，上菜同服務都好滿意，食物有個特色，值得一試！
Post
