拉麵店的店面不大，但勝在夠方便，地鐵站一出果個商場就係。
店員都好 nice，好好笑容，一坐底推介有咩好食，服務不錯。
餐牌
同事想試新野，叫咗個黑松露忌廉海鮮烏冬，我就鍾意黑蒜，所以叫咗個黑蒜豚肉拉麵。
我哋見隔離枱個凍豆腐幾正，所以又叫咗一個。
凍豆腐最先上枱。 豆腐大大件加上麻醬，又有少量沙律菜作伴碟，令人胃口頓時大增。
呢個豆腐豆味濃郁，值得一試。
另外嘅雞軟骨串脆卜卜，不焦，好香口!正!
未食完個凍豆腐，我哋就已經聞到陣陣黑松露嘅香味， 原來係同事個黑松露烏冬黎緊!
老闆放咗好多黑松露，所以離遠都聞到香味!
同事率先試一啖湯底， 湯底柔滑而且充滿黑松露味，是未曾在其他店試過的口味。
海鮮都好足料，分別有三文魚和元貝，同事覺得海鮮都新鮮! 主角烏冬則比較幼和軟身， 好配合湯底的柔滑口感。
我個黑豚肉黑蒜拉麵亦隨後送上。 豚肉份量亦非常足，有3大塊!
腩肉滷得非常入味，但卻一點也不硬，很容易被咬開。
湯底有濃厚的黑蒜味， 好啱我呢個黑蒜怪。
出乎意料地，這個湯底都是感覺都是柔滑的，跟同事的烏冬湯底好似， 應該這間鋪頭的特色。
仲有兩杯店鋪特製飲品添，大家都可以嘗試一下：
自家製薑蜜
巨峰特飲
一人一碗麵再加凍豆腐， 一串雞軟骨和飲品， 已經飽到我和同事不行了... 看來下次要叫少d 啦~
