車仔亭

好耐冇食車仔麵，樓下新開鋪頭就去試下。除左基本麵底，仲有韓國公仔麵，另外仲可揀菜底，車仔麵鋪比較少見。

除左車仔麵，另外仲有唔少小食選擇，但車仔麵已經好多配料，所以今次就冇嗌，下次可以試吓。

今次揀左烏冬底腩汁，配菜有雞翼，冬菇，豬軟骨，牛柏葉,魷魚。冬菇味濃，瑞士雞翼大隻好肉，牛柏葉同魷魚都好爽口彈牙。

朋友揀左菜底辣汁，生菜吸晒湯底嘅辣汁，蘿蔔最緊要煮得夠淋，豬紅份量好多，另外仲有好難得一見既係有豬油渣。另外店員有主動拎菜脯。