碧士文 (東利商業大廈)

Open Now

Now Closed

最近開左間新既焗豬扒飯，聽講幾好食，所以就黎試下。一入到嚟就已經有一種英式西餐廳嘅感覺～餐牌上面有好多款豬扒飯，都唔係平時成日見到嘅整法，好期待！避風塘豬扒飯一拎上嚟已經聞到好香嘅蒜蓉味，加上有少少香辣，同豬扒真係好夾好惹味！滿滿嘅蒜蓉攞埋啲飯食亦都好有風味！招牌威士忌BBQ豬扒飯呢個醬汁好濃味，有少少似燒烤醬，但又多左淡淡的甜味，有醬汁好快撈咗個飯食曬～芝士蘋果焗豬扒飯佢嘅焗豬扒飯都係用咗茄汁底，但係比起出邊嘅芝士味就更加香濃。加埋蘋果呢個配搭都好新鮮，令到成個飯都冇咁油膩！每個飯上面嘅豬扒都有大塊又厚切，切好晒真係好方便！抵讚！見到隔籬枱食多士好吸引，下次一定要再來試下！