篤篤車 (Moved) New Location

聽屋企人講元朗有間泰式車仔麵，叫篤篤車，喺元朗新開既，於是我哋就冒名而來。我揀了朋友推介的鱷魚湯底，朋友就揀咗一個牛腩湯底。餸方面都好多選擇，分別有雞翼尖、牛柏葉、蘿蔔、龍蝦丸、紅腸、生根、金錢肚、豆卜、雞腎、豬大腸、豬紅、支竹、魷魚圈、牛丸、咖喱魚蛋、冬菇等等。呢度嘅超值套餐$67, 包括麵 (三個餸)、小食(大)、一碟菜 。真係認真超值㗎。鱷魚湯底鮮味濃郁，奶白色嘅湯底本身已經有杞子、紅棗同蟹味菇做配料，餸就有咖喱魚蛋、牛筋、牛柏葉。牛筋有四夠大大嚿嘅，牛筋亦炆得夠腍、成碗油麵都唔錯，值得一讚！仲有叫咗個泰式小食: 泰式鳳爪沒有骨，皮肉脆，酸味嗰啲恰到好處， 不太辣，我同朋友都好滿意!另外佢杯特飲都係必叫，薄荷青檸梳打！勁多薄荷葉！而且又酸又開胃！好清新嘅感覺！個人覺得篤篤車係一間有心的車仔麵，不是用精味堆砌出來的湯底，是用心淆製的湯底，食起來也比較有益，喝湯底時也比較安心。