利星火鍋海鮮小炒

Open Now

Now Closed

朋友介紹一齊嚟食呢一間餐廳食小炒，一心以為好似大排檔咁，食餐飯聚一聚，唔會有咩特別。但呢間餐廳確實令人驚喜。首先睇個餐牌，好似遊客餐牌咁，好多相，仲以為會好貴，但睇真啲價錢樣樣都好商宜。我哋一行六個人叫左八款小炒，樣樣都好夠鑊氣，最值得推介嘅係招牌羔蟹糯米飯，份量夠大，蟹多羔又新鮮，夠4-6個人食飽飽。另外係黃金賴尿蝦，夠鮮味，賴尿蝦剝左殼，唔洗搞到成手都係汁。砵酒焗桶蠔就無咩驚喜，好大隻，但蠔味唔重，不過桶蠔本身味較淡，所以係意料之中，反而啲洋蔥入晒味，個個爭食洋蔥多過隻蠔。睇其他食評有提到服務欠佳，但我今次去就服務尚算良好，阿叔仲會黎講下笑，好有街坊既感覺，反而枱與枱之間比較逼。