樂天皇朝 (利舞臺廣場)

Open Now

Now Closed

好鍾意食小籠包嘅我，今日嚟到呢間新開嘅上海菜館，必食「皇朝特色小籠包」，小籠包一盤有八個顏色，每個顏色唔同味道，有辣、有鹹，中西合璧，各有特色。最鍾意蒜蓉味，蒜蓉好香濃，突顯到小籠包入邊餡料嘅鮮味。每個小籠包都鄙薄餡靚，塊皮好香滑，每一個入面都充滿湯汁，食嘅時候要小心翼翼咁，唔好整穿個皮，保留湯汁，然後一啖食入口，咁嘅食法就最新鮮，最好食。另外仲有「芝麻醬油麥菜」，呢味菜式好特別，係冷盤，油麥菜食入口爽脆無比，配合日式芝麻醬，原來好特別。點心「蘿蔔絲酥餅」同樣出色，外皮炸到酥脆，好香口。餐前小食「李白醉雞」，原來都好大碟，醉雞汁好香，雞肉非常鮮嫩香滑。主菜「皇朝酸菜魚」，酸菜魚湯底唔算好辣，充滿酸菜嘅香味，魚片用料十足，而且新鮮香滑。好大盆，兩個人食到超飽肚。最後上埋甜品「豆沙窩餅」，非常滿足的一個二人晚餐。