Video
Read full review
2005-08-23
5 views
參加openrice的聚會，總是開開心心的；但很少會玩得比較high，今次真係幾特別的一次；我們一班舊人，四處行去玩、去識新朋友、去乾杯，真係回想起也很開心。一直也很想寫，但又唔知食物名，所以到今日食評出才寫。今次多謝丫Ray的邀請，幫手做聯絡的工作，雖然日子曾更改，已報名的朋友又有唔再確認，但完全沒有影響出席者的興趣。說回食物吧：咖喱炸薄脆- 咖喱汁香濃，配上炸得好脆的麵條，真係特別得來也很好味，值得一試。泰式併盤- 有春卷、炸魚餅、炸蝦餅和炸札肉，而我比較喜歡炸蝦餅，其它都唔錯，但對我們這張大來說(9個人)，就真係細碟了點。冬蔭功- 材料新鮮又好味，比較上辣，但唔知係唔係飲得啤酒多，今次又唔覺得好辣喎，真奇怪。軟殼蟹酸辣米線- 比冬蔭功還要辣，我只敢食少少試味，軟殼蟹炸得好脆，味道也不錯。串燒鱔- 炸得好脆，連骨也沒有，味道真係無得頂，送酒一流；雖然今日想起，唔知有無...，但食一次半次相信也不會有事吧！沙爹豬頸肉- 很同意<搵黎緊係食啦>的說法，今次比較差的一味；豬頸肉比較韌，味道也只是一般。青木瓜沙律- 食了幾個濃味的食物，改回這味青淡一點的，又真係唔錯。菠蘿炒
一直也很想寫，但又唔知食物名，所以到今日食評出才寫。
今次多謝丫Ray的邀請，幫手做聯絡的工作，雖然日子曾更改，已報名的朋友又有唔再確認，但完全沒有影響出席者的興趣。
說回食物吧：
咖喱炸薄脆- 咖喱汁香濃，配上炸得好脆的麵條，真係特別得來也很好味，值得一試。
泰式併盤- 有春卷、炸魚餅、炸蝦餅和炸札肉，而我比較喜歡炸蝦餅，其它都唔錯，但對我們這張大來說(9個人)，就真係細碟了點。
冬蔭功- 材料新鮮又好味，比較上辣，但唔知係唔係飲得啤酒多，今次又唔覺得好辣喎，真奇怪。
軟殼蟹酸辣米線- 比冬蔭功還要辣，我只敢食少少試味，軟殼蟹炸得好脆，味道也不錯。
串燒鱔- 炸得好脆，連骨也沒有，味道真係無得頂，送酒一流；雖然今日想起，唔知有無...，但食一次半次相信也不會有事吧！
沙爹豬頸肉- 很同意<搵黎緊係食啦>的說法，今次比較差的一味；豬頸肉比較韌，味道也只是一般。
青木瓜沙律- 食了幾個濃味的食物，改回這味青淡一點的，又真係唔錯。
菠蘿炒飯- 新鮮菠蘿炒起來，又真係幾好食，但飯就比較新鮮(太多水,唔夠乾身)，令飯唸在一起，感覺上只有菠蘿粒比較好味。
魷魚薄餅- 今次最喜歡的一味，炸得好脆，又香口，一塊真係唔多夠；再來一客，唔該！
明爐魚窩- 沒有泥味，魚質鮮嫩，唔會韌，來了不久便給我們吃完了。真係唔錯！
甜品併盤及芒果黑糯米- 我比較喜歡芒果黑糯米多，甜品併盤比較上甜。
當晚真係食了唔少"新"的食物，而大部食物也很好，雖然地點比較遠(對我來說)，但相信也是值得再來食食的。
最後多謝Lazyqueen和GourmetKC的餐前小食，味道實在唔錯，唔知幾時又可以再試呢？hehe...
Post
