📍地址：佐敦寶靈街17號官涌市政大廈2樓熟食中心
爺爺生日，帶佢去大排檔食海鮮飲啤酒🍻
亦都係Kalaam第一次去大排檔，係時候食下香港地道小炒。
大排檔喺街市上面熟食市場，估唔到環境同洗手間都幾乾淨，同埋係用手機落單。
新肥泉好多款式嘅小菜，但我地都例牌一定要叫豉椒炒蜆、黃金蝦、同埋粟米斑塊，今次試埋麻辣嗦螺、椒鹽鮮魷、椒鹽九肚魚、啫啫鮮雞煲、福建炒飯
因為呢啲真係平時茶餐廳食唔到，豉椒炒蜆一定要大排檔食加啤酒，粟米炸斑塊大排檔先可以食到超脆炸魚，加埋新鮮香甜粟米汁，小朋友至愛，應該都係大家嘅兒時回憶，個汁已經可以食曬成碗飯。
1
特別推介麻辣嗦螺，第一次食有驚喜喎，細細粒一鍋有5,60粒，好勁麻辣食到出哂汗但好快散，粒肉口感爽爽地，送啤酒好正。
今日食飯成家氣氛好好，爺爺都係鍾意食中菜，五個人埋單9百幾。
