定食8 (Closed)

定食８係爭鮮旗下一個日系快餐品牌，以平食作招來，「8」係解定食價錢全都係8字做尾，不過食物選擇唔算多，勝在夠平，有海鮮丼、蒲燒鯖魚、天婦羅等等，仲有規定15分鐘內會為客人送上餐點，真係既快靚正🤣－－－－－－赤蝦海景丼 $58 8/10定食附送漬物、味增湯和甜點，仲有自助無限白飯﹑味增湯﹑椰菜絲可以REFILL，椰菜絲可以加沙律醬，絕對夠飽，赤蝦海景丼包括左有赤蝦、蟹子、三文魚、三文魚腩、希靈魚，我幾鍾意食三文魚腩🥰厚切同埋新鮮，呢個價錢係其他地方真係好難搵到，物超所值炸餃子 $18 7.5/10一客有五隻，炸餃子脆卜卜熱辣辣，唔算太多油，味道香口，幾抵食😋