相撲手日式放題 (Closed)

呢黎食日本野, 新鮮嘅刺身當然唔少得啦, 所以我地一開波就叫左一大盆嘅雜錦刺身、三文魚腩, 同埋甜蝦。大家見到啲刺身嘅色水都知道呢盆刺身係幾咁嘅好食, 爽口嘅螺肉, 大大粒嘅帶子, 厚切嘅吞拿魚, 真係食到唔停得口。而三文魚腩更加係唔係枱枱都有, 要訂位夠指定人數先有。呢份原厚切三文魚腩比一般三文魚魚油含量更高, 味道更香濃! 海蝦刺身隻隻都有手掌咁長, 而且蝦膏好多, 中意食蝦膏嘅朋友一定要試!!食完刺身, 就要食啲飽肚啲嘅野。先黎一大盆唔同款式嘅壽司: 火炙三文魚壽司、蟹柳壽司, 款款都好出色, 而最特別嘅就係鵝肝壽司, 平時咁名貴、係放題甚為少見嘅鵝肝, 竟然係度可以任食, 你地話係唔係物超所值呢?? 再黎肉食, 蜜糖燒雞翼、燒鯖魚同埋燒魷魚。老實講, 款款都好好食, 蜜糖燒雞翼, 甜甜地, 雞肉亦嫩口, 好容易令人多食幾隻; 魷魚圈同鯖魚都係水準之作, 我地好快就完成一round, enchore再黎多轉!!我地呢餐食足兩個鐘, 亦享受到咁出色同咁名貴嘅食材, 真係好想再約埋班朋友, 食餐痛快!!