Video
Read full review
2025-06-01
201 views
算係數一數二大眾認可嘅文青Cafe，自從裝修咗之後都冇去過🙌🏻餐廳位於體育館入面，所以唔會特登經過就會食到嘅一間舖頭，大多數都係特登入去食🫣去到門口見到燈光昏暗，差啲以為冇開門，好彩見到有其他食客喺入面😂-記憶中佢價錢算係比其他Cafe稍貴少少🤏🏻但係入到去見到有個二人餐又唔算貴喎😆-🌟與你分享2人套餐 $428包小食、主菜、意粉、兩杯特飲、Häagen-Dazs雪糕🌟照燒汁煎乾蒜美國牛柳粒呢個係小食🌸牛柳粒火候掌控極好，外層焦香內裡保持嫩粉紅色，牛味好濃好多汁😍照燒汁似係少糖版本，唔太食到甜味🙌🏻炸蒜碎增加風味，食落有蒜香 ，成件事好錦上添花🌸⭐️俄式牛仔柳意大利粉說來慚愧，其實我唔知乜嘢係俄式意粉😭不過點餐嘅時候佢有得揀要唔要酸忌廉，我就揀唔要🫣整體食落去冇乜嘢好獨特嘅風味，亦都冇咩突出嘅食材，只係普通鹹鹹地有啲高湯嘅味道，不過牛柳都俾得幾多😙🌟慢煮BBQ醬美國豬肋骨成個set份量十足，4-5件肋骨夠2人分享，BBQ醬濃濃覆蓋喺每件豬肋骨上面，豬肋骨嘅骨同肉嘅份量差唔多，脂肪比例都唔錯，有瘦肉亦都有肥肥哋嘅部份😙伴碟嘅炸蕃薯條，同樣都係份量大，另外配咗個檸檬沙律醬，不過覺得太酸啦，都
餐廳位於體育館入面，所以唔會特登經過就會食到嘅一間舖頭，大多數都係特登入去食🫣去到門口見到燈光昏暗，差啲以為冇開門，好彩見到有其他食客喺入面😂
-
記憶中佢價錢算係比其他Cafe稍貴少少🤏🏻但係入到去見到有個二人餐又唔算貴喎😆
-
🌟與你分享2人套餐 $428
包小食、主菜、意粉、兩杯特飲、Häagen-Dazs雪糕
🌟照燒汁煎乾蒜美國牛柳粒
呢個係小食🌸牛柳粒火候掌控極好，外層焦香內裡保持嫩粉紅色，牛味好濃好多汁😍照燒汁似係少糖版本，唔太食到甜味🙌🏻炸蒜碎增加風味，食落有蒜香 ，成件事好錦上添花🌸
⭐️俄式牛仔柳意大利粉
說來慚愧，其實我唔知乜嘢係俄式意粉😭不過點餐嘅時候佢有得揀要唔要酸忌廉，我就揀唔要🫣整體食落去冇乜嘢好獨特嘅風味，亦都冇咩突出嘅食材，只係普通鹹鹹地有啲高湯嘅味道，不過牛柳都俾得幾多😙
🌟慢煮BBQ醬美國豬肋骨
成個set份量十足，4-5件肋骨夠2人分享，BBQ醬濃濃覆蓋喺每件豬肋骨上面，豬肋骨嘅骨同肉嘅份量差唔多，脂肪比例都唔錯，有瘦肉亦都有肥肥哋嘅部份😙
伴碟嘅炸蕃薯條，同樣都係份量大，另外配咗個檸檬沙律醬，不過覺得太酸啦，都係配茄汁好食啲🥰普羅旺斯燉菜用茄子、節瓜同蕃茄燴製，煮到好腍，已經喺今餐唯一嘅蔬菜🤣🤣正好平衡豬肋骨嘅濃味。
🌟宇治抹茶牛奶（凍）
禪意十足的藝術品🖼️飲落去濃郁之餘，尾段仲有微微回甘，完全唔會得個甜字。牛奶比例啱啱好，甜度亦都唔會好甜🤣覺得好飲過Starbucks🧡
🌟牛奶可可朱古力（熱）
可可味濃到黐線，但又好明顯唔係黑朱古力嗰隻味，佢就係得個濃字😆質地厚身得嚟唔會漿住個口，面頭嗰層泡泡都幾厚😙不過牛奶香就爭少少，早知唔走Cream啦🙂↕️飲曬應該會好膩，因為佢仲要幾大杯下🫣
🌟Häagen-Dazs雪糕
佢冇寫明係咩味嘅雪糕，結果出嚟係最近Hit到爆嘅開心果雪糕😂食到嘅係牛奶雲呢拿加好多開心果碎嘅感覺，坊間嘅開心果雪糕會再濃郁啲💪
整體食到好飽好飽，而且要讚吓佢哋嘅飲品種類好豐富🫣真係眼花撩亂🌸
Post
