💥 牡蠣不如帰 💥
「牡蠣不如帰」係日本東京米芝蓮一星餐廳「金色不如帰」開設嘅姊妹店。
「牡蠣不如帰」以牡蠣主打，餐廳除咗牡蠣拉麵外，仲有牡蠣茶漬飯、牡蠣天婦羅、牡蠣串燒、牡蠣一口飯。
大隻仔好鍾意食生蠔，今日專登過嚟銅鑼灣試吓好少地方有得食嘅生蠔拉麵。😋😋
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 牡蠣鹽味拉麵 $118 （另加一服務費）
拉麵嚟到嘅時候，大隻仔有少少失望，以為「牡蠣鹽味拉麵」會有至少一兩隻生蠔，原來拉麵係用生蠔 🦪煮成湯底，再配上叉燒。
😅😅
「牡蠣鹽味拉麵」湯底係用上生蠔湯、豬骨湯、魚湯混合而成。
拉麵配料有：意大利番茜、火箭菜、紫洋蔥、京蔥、叉燒、生蠔醬、幼身拉麵。
生蠔湯底味道唔太突出，比較清爽，味道比較普通，叉燒夠嫩滑唔會乾柴，反而成碗拉麵最突出係生蠔醬，生蠔味道極濃郁，十分滋味。
🔥 醬漬牡蠣一口飯 $68 （另加一服務費）
比起拉麵「醬漬牡蠣一口飯」出色好多，更加好食，大大隻牡蠣用上醬油醃漬過而且生蠔十分鮮甜美味。紫菜極之香脆帶少少甜味，味道極似泰國小老闆紫菜。
大隻仔十分推薦「醬漬牡蠣一口飯」。
溫馨提示：
大隻仔跟住店舖建議嘅拉麵食法：
1）先雙手捧起碗
2）聞一下香味
3）飲一啖湯頭
4）最後食拉麵
但玻璃碗邊好熱，當日大隻仔就焫親雙手，大家要小心。😅😅
