Give Me 5 (Closed)

生日正日去到觀塘嘅Give Me 5食晚餐，揀咗120分鐘無限任食任飲牛扒夜地方比較偏僻，離地鐵站有少少遠，棟大廈幾舊，要自己行樓梯上五樓🤧上到去，職員即刻安排我哋入座，環境唔差，幾有氣氛，因為一早book咗位嘅關係，我哋坐咗喺近窗嘅卡位。120分鐘無限任食任飲牛扒夜包括任食沙律吧、澳洲穀飼肉眼排、德國燒豬手(每星期不同)。職員快快手幫我哋叫咗豬手，提我哋可以沙律吧拎啲前菜🥗其中，蛋沙律比較好味我哋拎咗碗蘑菇湯，唔錯！到主菜，現場有職員幫客切，牛扒好厚身，唔算好熟，略嫌有啲過硬！另外，叫左杯涷檸茶、一份薯菜，薯條剛炸好，食落好脆第二款主菜係豬手，十分香口肉幾腍最後，食咗個甜品，吧枱有幾款可以揀，細細份又夠靚，我揀咗朱古力蛋糕配泡芙順帶一提，餐廳入面嘅飛鏢機要入錢玩，有啲失望