牛角次男坊 (東薈城名店倉) (Closed)

今日同男朋友嚟咗東涌，發現嘢食都幾多選擇，只不過都多人等位，行到攰之下揀咗一間相對唔使等咁耐～等咗大約15分鐘就有得入去，座位偏向少少窄～呢度嘅丼飯都係以燒肉為主，想食嘅小食賣晒～就只好叫兩碗飯啦😩我叫咗呢個牛角次男坊丼 (草飼牛腹腩) ($89)😋呢個丼飯標榜有16 cm高，嚟到的確覺得佢超足料😆我諗起碼有十塊牛肉，而且配以甜甜地嘅燒肉汁，一啲都唔覺得漏，反而仲覺得佢好有油香😆滿足晒食肉獸👍🏻男朋友叫咗豚肉丼 (西班牙豚梅肉) ($79)😉睇落呢個飯份量少啲，但肉都有好多～男朋友都話相當好食，外表燒得好香，肉質一啲都唔韌😋雖然簡簡單單兩碗飯，但食完都覺得好滿足同好飽😋