牛角次男坊 (荃灣廣場) (Closed)

牛角就成日食，牛角次男坊就第一次喇🙈九龍灣分店執咗，原來得返荃灣同東涌兩間分店，今日咁啱過嚟荃灣做嘢又過咗lunch hour冇乜人，即刻試吓先！嗌咗鹽燒牛舌丼(M size)，另外跟咗套餐(+$13) (包中華沙律，麵豉湯同飲品)同埋一隻温泉蛋(+$12)。牛舌丼用返牛角最出名嘅圓形薄切牛舌，中size有5塊~牛舌嘅調味係足夠嘅，但我自己就覺得overcook咗啲，食落有啲靭同乾🤥另外燒肉汁喺哂嗰底，所以一開始食面嗰浸嘅飯有啲乾，要撈埋温泉蛋一齊食先好返啲🫥呢間都叫做可以止到想食牛角嘅癮，而且價錢又未好到好貴😆如果下次經過，都可能會想試佢汁燒嘅次男坊丼！