朋友之前嚟呢間食過兩次，佢極力推薦我嚟試下，所以今日就一於嚟「朝聖」🤣
舖頭裝修得非常日本風，我同朋友被安排坐係bar台位置，望住新鮮從日本運嚟嘅新鮮水產同型仔師傅食飯😎
鍾意飲兩杯嘅朋友見到是日推介水果白酒，即刻叫了一杯。我飲了幾啖，酸酸甜甜嘅水果同白酒好夾，飲落好舒服，唔會嗆，平時唔飲酒嘅我都鍾意。
朋友極力推薦牛舌，我見到價錢要$38一串，開頭覺得有D貴，但食完真係覺得物超所值。平時我好少食內臟，但估唔到牛舌可以咁好味，好有咬口好juicy，非常推介！
嚟日本餐廳當然要試下刺身啦，我同朋友叫咗三文魚腩和北海道帶子，三文魚腩入口即溶，好新鮮。帶子好大粒，味道👌🏻。
仲叫咗明太子雞翼，外皮燒得香脆，雞肉嫩滑，明太子有少少辣，好惹味😋
中途嚟一個蟹子沙律清新一下，哈哈！青瓜絲同蟹子嘅比例啱啱好，唔需要再加隔離嘅沙律醬已經好好味。
最後嚟一個叉燒拉麵作結，味道可以，但唔知點解湯底有D苦味🤔唔通係因為蒜頭？
