Video
Read full review
2022-02-05
57 views
來觀塘向長輩拜年，午飯就順便在區內解決。有人話想食粉麵，上網 Search 到物華街呢間「正九清湯腩」，見口碑唔錯，提議試下。餐牌有好多選擇，除咗主打嘅清湯腩之外，仲有福建牛肉羹、上海擔擔麵、炸排骨飯、口水雞、 紅油抄手等供應。點咗清湯牛腩河 ($48)、正九牛肉羹伊麵 ($50)、淨菜肉雲吞 ($39) 同 飲品 (+$8)。清湯腩 +$6 可升級至崩沙腩、坑腩或爽腩，當然唔可以錯過。先嚐牛坑腩河，湯底味道相當清甜，入口唔會太油。坑腩肥瘦度啱啱好，食落口感好鬆軟，牛味濃厚、脂香豐腴。河粉幼薄滑溜，配鎖滿肉汁嘅坑腩食，啖啖滋味。跟餐點飲品只需 +$8，連特飲凍檸樂都係同價，非常經濟，十分抵飲。至於碗牛肉羹食味亦一流，據說肉羹係用上牛頸脊同牛嘅大腿內側加番薯粉炮製而成，絕無添加味精。口感果然唔錯，夠晒爽脆彈牙，滑嫩得嚟又有牛肉味，配鬆化香軟嘅伊麵吃，飽肚又滿足。另外碗菜肉雲吞亦份量十足，一碗有 8 大粒，全部嘅外形都脹卜卜，勁飽滿。雲吞皮薄嫩滑，咬開見到皮內有滿滿的肉餡，真係相當抵食。
來觀塘向長輩拜年，午飯就順便在區內解決。有人話想食粉麵，上網 Search 到物華街呢間「正九清湯腩」，見口碑唔錯，提議試下。
餐牌有好多選擇，除咗主打嘅清湯腩之外，仲有福建牛肉羹、上海擔擔麵、炸排骨飯、口水雞、 紅油抄手等供應。
點咗清湯牛腩河 ($48)、正九牛肉羹伊麵 ($50)、淨菜肉雲吞 ($39) 同 飲品 (+$8)。清湯腩 +$6 可升級至崩沙腩、坑腩或爽腩，當然唔可以錯過。
先嚐牛坑腩河，湯底味道相當清甜，入口唔會太油。坑腩肥瘦度啱啱好，食落口感好鬆軟，牛味濃厚、脂香豐腴。
河粉幼薄滑溜，配鎖滿肉汁嘅坑腩食，啖啖滋味。跟餐點飲品只需 +$8，連特飲凍檸樂都係同價，非常經濟，十分抵飲。
至於碗牛肉羹食味亦一流，據說肉羹係用上牛頸脊同牛嘅大腿內側加番薯粉炮製而成，絕無添加味精。口感果然唔錯，夠晒爽脆彈牙，滑嫩得嚟又有牛肉味，配鬆化香軟嘅伊麵吃，飽肚又滿足。
另外碗菜肉雲吞亦份量十足，一碗有 8 大粒，全部嘅外形都脹卜卜，勁飽滿。雲吞皮薄嫩滑，咬開見到皮內有滿滿的肉餡，真係相當抵食。
Post
