Video
Read full review
2017-03-16
127 views
一直都好鍾意食一人一鍋嘅打邊爐，因為大家始終口味唔同，唔駛就住大家呢日就同咗幾個朋友嚟到荃灣嘅牛摩試下佢嘅和牛晚市放題～佢嘅位置唔難搵，出咗地鐵行入千色匯直行就見到好大隻牛摩喇喺侍應嘅推薦下，我哋幾個都揀咗澳洲特級和牛～7 pm - 9 pm 入面都只係$238一位，唔算貴～除咗啲肉同海鮮之外，其他火鍋配料都係以自助形式喺出面攞但係如果啲肉唔夠食嘅話，都可以加錢逐碟加上面嘅係餐入面嘅肉同海鮮。牛肉嘅肉質好好，又夠鮮嫩。每碟牛有大約8塊，幾多下～豬都一樣，肥瘦適中，容易咬。至於海鮮就有凡立貝、海蝦、藍青口，每樣都好大粒／好大隻，而且又好新鮮，食到lamlam脷講完餐入面包嘅嘢就講下自助區有啲咩任攞啦～首先打邊爐最重要嘅梗係醬料啦～呢到都有好多醬料揀，仲有好多人都鍾意嘅日式芝麻醬，點肉最好味～生蒜熟蒜同蔥都齊，不過就唔見有有人鍾意有人憎嘅芫茜隔離就有好多唔同菜類、丸、粉等等。蔬菜類有金菇、冬菇、生菜、白菜仔、娃娃菜等等、南瓜、薯仔；粉類就有粉絲、芋絲、拉麵、烏冬、意粉、蕎麥麵等等；丸就有墨魚丸、魚蛋、貢丸等等，仲有個係印咗牛摩過公仔落去嘅魚蛋添，好可愛。另外仲有芝士腸、豆腐之類嘅食材，十分
呢日就同咗幾個朋友嚟到荃灣嘅牛摩試下佢嘅和牛晚市放題～
佢嘅位置唔難搵，出咗地鐵行入千色匯直行就見到好大隻牛摩喇
喺侍應嘅推薦下，我哋幾個都揀咗澳洲特級和牛～7 pm - 9 pm 入面都只係$238一位，唔算貴～
除咗啲肉同海鮮之外，其他火鍋配料都係以自助形式喺出面攞
但係如果啲肉唔夠食嘅話，都可以加錢逐碟加
上面嘅係餐入面嘅肉同海鮮。牛肉嘅肉質好好，又夠鮮嫩。
每碟牛有大約8塊，幾多下～
豬都一樣，肥瘦適中，容易咬。
至於海鮮就有凡立貝、海蝦、藍青口，每樣都好大粒／好大隻，而且又好新鮮，食到lamlam脷
講完餐入面包嘅嘢就講下自助區有啲咩任攞啦～
首先打邊爐最重要嘅梗係醬料啦～呢到都有好多醬料揀，仲有好多人都鍾意嘅日式芝麻醬，點肉最好味～
生蒜熟蒜同蔥都齊，不過就唔見有有人鍾意有人憎嘅芫茜
隔離就有好多唔同菜類、丸、粉等等。蔬菜類有金菇、冬菇、生菜、白菜仔、娃娃菜等等、南瓜、薯仔；
粉類就有粉絲、芋絲、拉麵、烏冬、意粉、蕎麥麵等等；
丸就有墨魚丸、魚蛋、貢丸等等，仲有個係印咗牛摩過公仔落去嘅魚蛋添，好可愛。
另外仲有芝士腸、豆腐之類嘅食材，十分豐富～
跟住特別嘅位係佢竟然有熟食！上面果個柚子雞翼係其中最好味嘅，食完會再不停encore
下面嘅就係蒜蓉炒雜菜同韓式泡菜炒年糕，都好好味！
不過唯一一個唔好嘅位就係個盤嘅保暖唔係好好，啲餸係暖，但就唔夠熱
不過味道搭救！
熟食隔離就有啲日本料理～有日式沙律同生菜沙律、又有好多款壽司選擇
而上面就有天婦羅、日式餃子之類嘅炸物
呢張就係我哋張檯喇～ 啲餸多到都擺唔曬 不過好嘅位係佢擺牛肉、豬肉嘅碟可以疊起，咁當你未食完一碟嘅時候就可以收埋其他
下面果個湯底係豬骨，上面果個係番茄薯仔，另外仲有壽喜燒同番茄湯底，選擇都ok多
食得飽飽就可以出去繼續食甜品喇 佢嘅甜品種類都好多，例如有蛋糕仔、布甸、泡芙之類。
我自己就最鐘意食泡芙嘅，而且佢泡芙仲有兩隻味，有原味同朱古力味忌廉
呢個就係佢嘅飲品bar+yogurt~飲品有好多種，汽水機可以沖可樂之類，仲有檸檬茶、綠茶果啲、soda water都有～
隔離仲有咖啡機，可以沖唔同嘅咖啡，熱朱古力都有
最右面就係沙冰機，有蘋果味同士多啤梨味，正正正
而我最想講嘅就係佢個yogurt機，因為可以自己唧真係好好玩
可惜因為個時段尾段嘅時候個個都沖出去攞甜品，部機未整得咁快，所以唧出嚟嘅速度有啲慢😂
所以大家如果想唧得靚，唧得開心啲嘅話，就早啲出定去攞啦
yogurt味道同出面賣嘅froyo一樣，而且仲有唔同toppings比你無限加
整體嚟講，牛摩幾抵，一定會食到大家捧住個肚行出去～
而且果日因為係閒日所以唔駛等位已經可以直接入去～
係荃灣一人一鍋嘅好去處
Post
