牛大人台灣火鍋吃到飽 (瓊華中心) (Moved) New Location

已經有一段時間冇食火鍋放題，今日就決定同朋友去旺角瓊華牛大人嘆番120分鐘火鍋放題，真係好掛住佢哋啲牛肉。呢度嘅牛肉，選擇超多而且每樣都係和牛及頂級牛嘅類別，海鮮方面亦都有好多畀你揀，亦都有傳統台灣小食等等。鍋底更有十多款選擇，一定揀到一款啱自己嘅，而呢度飲品 選擇亦多，有本地有台灣嘅，而且凍茶系列都有五、六款畀客人揀。蔬菜、菇類、麵食類等等就隨便任夾，最後係一人有一個movenpick雪糕做甜品。值得一提既係呢度有叫流水落花嘅手工啤酒，加咗少量whisky，味道特別清及帶香甜，正！如果鍾意食牛又鍾意食放題嘅朋友絕對唔可能錯過牛大人。