今日個前菜係salmon kebab，三文魚好滑，不過點嗰個汁又好似唔係幾夾，側邊啲洋蔥好鬼死辣，食幾條就食唔到喇。
主菜等到有少少閔... sea bass皮脆肉嫩嘅，托底係豆？食完都唔知咩嚟，上碟嗰下下面嗰堆野係凍嘅，食食下係塊魚整暖佢一齊食，味道一般。
今日揀左甜品冇揀餐茶，甜品係好求其嘅blueberry cheesecake，反而雪糕唔錯，見到有雲尼拿籽😮😮
上次食ribeye感覺良好，今日嗌個魚就覺得一般喇，同行友人今日嗌牛排，我望住佢嗰碟真係覺得後悔到呢... 塊排好厚，配個薯蓉都好正😫所以你話去牛肉專門店唔食牛食咩？
