呢間裝修非常特別嘅小店
真係真正100％做到港式點心風味之舖頭！
❤️ 店面分為兩層，上層為地鐵車廂主題😂
下層就係舊式戲院嘅格局，真係別出心裁！！✨
今次我同友人點咗好多嘢食！😍 務求食出佢嘅原味道！
🦐鳳尾蝦咸水角 HK$32
呢個咸水角上菜時整份好似炸蟹鉗，入面餡料相當豐富
外皮煙韌而又不會過厚皮！仲要新鮮熱辣辣勁酥脆🫶🫶
🐄香滑免治牛肉腸粉 HK$34
牛肉世家果然呢個腸粉無得輸！腸粉外皮勁有布拉腸粉feel！
簡直係會「sir」入口嘅腸粉！牛肉調味亦剛剛好！
🐷豉汁鳳爪排骨飯 HK$36
飯粒分明，很咬口，不生米！鳳爪排骨方面，用料新鮮，絕對標配的鳳爪排骨飯🫶
🪄鴛鴦燒賣 HK$38
就係牛肉燒賣及豬肉燒賣，兩款都相當好食。調味也是很好，蒸嘅時間都完美！呢個可以一次過食晒兩款，相當啱晒兩樣都想試嘅我🩷
🐮黑椒汁牛肉蝴蝶餅 HK$40
我地見到直頭枱枱都叫！我地都叫返碟，呢個大癲，個牛肉餅厚身juicy不在話下，加埋個蝴蝶包，份量大細都完美🤤難怪枱枱都叫啦！呢個真心大推❤️❤️❤️❤️
🐂 陳皮山竹牛肉球 HK$32
呢個陳皮味唔算太搶口，但佢牛肉個個質素實在太好了吧🫣
又大粒又好食，絕對唔係個d咩無牛肉成份，呢粒野我肯定佢係真牛😆，因為真係好食到痴左線。
🐔魚肚四寶滑雞札HK$37
呢個又係大大舊，入面超足料！大大舊魚肚，雞塊，火腿粗條同冬菇，加上調味又係剛好，呢個都係好食之作！
養顏紅棗糕 HK$26
呢個就我個人覺得可以多返幾層，咁樣食落去個口感會再有層次感多點，事關佢只係做3厚層，味道不錯但差一點口感，但呢個甜點真係好正😆
呢間真切重點推介，係旺角諗唔到食乜去呢度飲個茶都係一個很好嘅選擇❤️🩷🩷🩷❤️
📍喜煌點心牛肉世家
旺角通菜街17號地舖
@hay_wong_dim_sum
