Video
Read full review
2023-11-09
16 views
難得平日放假，中午可以悠悠閒食好啲，知道荃灣新開咗間主打石燒牛扒嘅餐廳，約埋媽咪去試一試。餐廳喺正康睦庭園地下，去到附近已經見到勁大個餐廳名，黑灰色門面營造型格新派格調。店舖唔算好大，大概七、八張枱左右，但枱與枱之間間距充足，一邊落地玻璃、光猛燈光、反光黑牆，又唔覺得有侷促感喎。見到主要Menu有五款牛扒一款羊架可以選擇，另外仲可以以美國西冷做膽雙拼大蝦、三文魚、羊架等，大食少少或者想share仲可以配個珍寶拼盤，有齊晒西冷、大蝦、三文魚、羊架。最後點咗紐西蘭羊架套餐$138 和美國西冷配三文魚套餐$218，2個餐都加$58升級為酥皮湯、大杯飲品，勁多嘢食，超豐富！✔️酥皮湯(套餐升級)磨茹湯上覆蓋咗酥皮，令簡單湯飲生色不少，酥皮微燶更香！自行加上黑胡椒，增添辛辣味更好飲！✔️ 芝士醬薯條(跟餐)本身加咗鹽調味，上面仲有混有沙律醬嘅芝士醬，香香甜甜。✔️ 炒意粉(跟餐)意粉用茄汁炒，較開胃，麵條幼幼哋軟硬度剛好，上面有菇片和香草碎。✔️紐西蘭羊架套餐$138侍應先搬上燒熱嘅石板，喺客人面前烤熟肉塊，不出幾分鐘，就已經將眼前嘅羊肉外皮迅速烤熟，能夠鎖住肉汁。百鬆啲蚊有3大件羊架算係幾慷慨！配上黑
見到主要Menu有五款牛扒一款羊架可以選擇，另外仲可以以美國西冷做膽雙拼大蝦、三文魚、羊架等，大食少少或者想share仲可以配個珍寶拼盤，有齊晒西冷、大蝦、三文魚、羊架。最後點咗紐西蘭羊架套餐$138 和美國西冷配三文魚套餐$218，2個餐都加$58升級為酥皮湯、大杯飲品，勁多嘢食，超豐富！
✔️酥皮湯(套餐升級)
磨茹湯上覆蓋咗酥皮，令簡單湯飲生色不少，酥皮微燶更香！自行加上黑胡椒，增添辛辣味更好飲！
✔️ 芝士醬薯條(跟餐)
本身加咗鹽調味，上面仲有混有沙律醬嘅芝士醬，香香甜甜。
✔️ 炒意粉(跟餐)
意粉用茄汁炒，較開胃，麵條幼幼哋軟硬度剛好，上面有菇片和香草碎。
✔️紐西蘭羊架套餐$138
侍應先搬上燒熱嘅石板，喺客人面前烤熟肉塊，不出幾分鐘，就已經將眼前嘅羊肉外皮迅速烤熟，能夠鎖住肉汁。百鬆啲蚊有3大件羊架算係幾慷慨！配上黑松露牛油一齊烤熟，香味獨特。燒完之後侍應會將羊架上碟，方便客人食用。
✔️美國西冷配三文魚$218
美國西冷牛排係牛肉中較為嫩軟的部位，搭配埋鵝肝牛油烤熟，牛味加上鵝肝香又係另一種風味。要求侍應烤到7成熟，後尾覺得有啲生，仲可以用留底嘅石板自己烤到啱食為止。三文魚廚師煎好另上，外皮脆卜卜，肉質唔乾。
✔️凍柚子蜜（大杯裝）（套餐升級）飲品巨無霸，超大杯，有普通份量double！柚子蜜口感酸甜，加上好多冰，清新清涼！
✔️凍朱古力（大杯裝）（套餐升級）
同樣大杯，飲到最後都飲唔晒！口感濃郁，無溝到稀晒。
✔️芒果布甸（跟餐）
食到最後仲有是日甜品，當日係芒果布甸，大大個，上面仲加埋煉奶，一啲都唔馬虎！
順帶一提當日嘅侍應哥哥對客人非常好禮貌，值得稱讚！
Post
