Bella Shine (Closed)

Bella Shine 出左牛扒海鮮放題，見好似都幾吸引，就同朋友黎食下。 $308一個人，都有幾多選擇。 前菜可以去沙律自助bar 度任拎，沙律菜都幾新鮮爽口，配啲麻醬相當開胃。 甘筍湯都幾滋潤，味道相當清甜。海鮮都係可以任拎，最鐘意食蝦，都頗彈牙，青口都唔錯，味道鮮甜。最特別係連螺都有得食，超大隻口感爽彈。 去到主菜當然唔少得有扒食，叫左紐西蘭西冷牛扒，7成熟。口感頗有嚼勁，顏色呈粉嫩配醬汁都幾惹味。 燒美國豬肩扒 都幾厚切啖啖肉，啲配菜有紫薯蓉同蘿蔔，薯蓉頗香甜。 甜品選擇都唔少，朱古力慕絲蛋糕都唔錯，幾鬆軟。最正係有movenpick 雪糕，口感軟滑。 飲品叫左凍檸茶，減膩解渴。