Video
Read full review
2020-11-21
159 views
話說有一次開住個 社交平台時同Honey傾計，我話我好想去鋸扒，點知第二日開始我個 社交平台就開始出現咗好多西餐廳嘅牛扒，而其中一個彈出嚟嘅廣告就係Bella Shine，我見到佢哋個廣告寫住120分鐘無限任食美國安格斯肉眼扒&西班牙黑豚肩扒，見到個賣相好吸引，咁Honey就叫我去book位試吓食。訂咗6點鐘準時去到，原來呢到下午落場時間係去到6點，但我哋嚟到都入面已經有兩三枱客人。由於一早有target食咩，所以就即刻落order點咗個任食牛扒。先上咗兩個餐湯，係粟米湯，由於一向對粟米湯都無咩好感，所以無飲到。然後上咗個頭盤，包括有一件多士、鵝肝、沙律菜同埋半隻龍蝦，龍蝦睇住佢喺焗爐啱啱拎出嚟，熱辣辣好好味，鵝肝就係冷盤，係加工咗嗰隻鵝肝，不過配埋件多士都幾好味。到個主角出場，order 咗medium rare，切開後見到肉汁流出嚟，食落仲好淋好香好多肉汁！食完呢一轉後，第二轉honey依然係叫肉眼，而我就試咗個西班牙黑豚肩扒，估唔到佢哋整到超軟熟，不過個汁就咸咗少少。呢到除咗牛扒、黑豚扒可以任食，就連餐湯、薯條、沙律菜都係任食，如果鍾意食肉嘅朋友真係唔好錯過！最後食埋個甜品，今餐
訂咗6點鐘準時去到，原來呢到下午落場時間係去到6點，但我哋嚟到都入面已經有兩三枱客人。
由於一早有target食咩，所以就即刻落order點咗個任食牛扒。
先上咗兩個餐湯，係粟米湯，由於一向對粟米湯都無咩好感，所以無飲到。然後上咗個頭盤，包括有一件多士、鵝肝、沙律菜同埋半隻龍蝦，龍蝦睇住佢喺焗爐啱啱拎出嚟，熱辣辣好好味，鵝肝就係冷盤，係加工咗嗰隻鵝肝，不過配埋件多士都幾好味。
到個主角出場，order 咗medium rare，切開後見到肉汁流出嚟，食落仲好淋好香好多肉汁！
食完呢一轉後，第二轉honey依然係叫肉眼，而我就試咗個西班牙黑豚肩扒，估唔到佢哋整到超軟熟，不過個汁就咸咗少少。
呢到除咗牛扒、黑豚扒可以任食，就連餐湯、薯條、沙律菜都係任食，如果鍾意食肉嘅朋友真係唔好錯過！
最後食埋個甜品，今餐超滿足
埋單$524@2
Post
