🥩日本黑毛和牛A4+套餐（448/位）
最正當然係A4黑毛和牛任食啦！啲油花分佈靚到似大理石紋，脂肪夠多，入口即溶，肉質又滑。伊比利亞黑毛豬梅肉都幾好，嫩滑得嚟仲帶甜香。
🍽️
套餐仲送澳洲M9和牛牛丸、海鮮拼盤同任食鮑魚，第一輪嘢食已經好豐富。特別推介鮑魚三食：醉鮑魚浸滿花雕酒，爽口彈牙；兩款炸鮑魚脆漿夠薄，配特色醬汁好特別。海鮮拼盤嘅鯛魚片平時我麻麻哋，但呢度嘅完全冇腥味，仲幾鮮甜。
🍟
小食都幾有心思，試咗蝦蝦霸霸脆多士、和牛牛檸伴豆腐、阿嬤豆乾魚蓉麵、烏金墨汁手作腸、三和夜市雞皮卷同夜市撈脆薯，每款都有特色。
🍲火鍋配料多到數唔晒，好多台灣直送食材，尤其手作丸類同鴨血必試！蔬菜處理得乾淨新鮮，仲有台灣水蓮食。
🍹
飲品試咗杧蜜西米爽，芒果加檸檬茶好清新，仲有粒粒芒果肉同西米；港式檸檬茶18+加入酒精，飲落有層次，係微醺之選。
A4和牛套餐包埋飲品，其他套餐可以加68任飲。仲有自家製冷泡茶、果汁同汽水，甜品仲有大牌雪糕任食，夠晒滿足！
