Video
Read full review
2025-07-08
154 views
牛大人「炎夏椰樂祭」掃食報告 經常去牛大人，今次特別去食炎夏椰樂祭，呢個主題我應該仲可以去食兩三次😂湯底新加咗🌶️ 喇沙椰爺仲夏鍋同🥥 木瓜椰皇嫩雞鍋，清甜椰皇水做湯底，仲有清甜木瓜、嫩滑雞件，飲完喉嚨涼浸浸❄️ 🐷 ✨ 椰酥跳跳豬一食瞳孔地震！豬腩粒炸到金黃，掛滿酸酸地嘅椰絲，外脆內軟，跟咗幾包爆炸糖，估唔到味道咁夾！酸甜平衡到想encore三碟！（結果真係掃晒一兜） 🦐 黃金椰絲蝦丸蝦膠混入椰絲炸香，配埋自家椰汁美乃滋，清新唔油膩！🌿 酒糟嫩牛舌（芫荽控尖叫！） 牛舌用酒糟醃足鐘，鋪滿爆炸級芫荽碎，勁入味！🇯🇵 日本黑毛和牛A4+王牌和牛，霜降紋靚到爆！油脂入口即溶，椰青鍋涮3秒鮮甜度×2 🇪🇸 伊比利亞黑毛豬橡果香撞椰湯，意外夾到震 🦪 海鮮拼盤（每台送1份）大大隻生蠔+拳頭大元貝+白鱔片+鮮鮑魚，唔夠皮，仲有沙白同埋蝦任叫💥 澳洲M9和牛牛丸 一咬爆肉汁！牛油香攻心🤩🍹 飲品進化論！$0任飲Highball攻勢 🍸 最正係冰檸伴椰（必飲！）🌟🥃 Highball，原價$58/杯，日本黑毛和牛套餐免費任飲，超爽！🧋 經典珍珠奶茶同鴨屎香檸茶照常無限飲😍 🍠 香芋椰漿脆脆熱
經常去牛大人，今次特別去食炎夏椰樂祭，呢個主題我應該仲可以去食兩三次😂
湯底新加咗🌶️ 喇沙椰爺仲夏鍋同🥥 木瓜椰皇嫩雞鍋，清甜椰皇水做湯底，仲有清甜木瓜、嫩滑雞件，飲完喉嚨涼浸浸❄️
🐷 ✨ 椰酥跳跳豬
一食瞳孔地震！豬腩粒炸到金黃，掛滿酸酸地嘅椰絲，外脆內軟，跟咗幾包爆炸糖，估唔到味道咁夾！酸甜平衡到想encore三碟！（結果真係掃晒一兜）
🦐 黃金椰絲蝦丸
蝦膠混入椰絲炸香，配埋自家椰汁美乃滋，清新唔油膩！
🌿 酒糟嫩牛舌（芫荽控尖叫！）
牛舌用酒糟醃足鐘，鋪滿爆炸級芫荽碎，勁入味！
🇯🇵 日本黑毛和牛A4+
王牌和牛，霜降紋靚到爆！油脂入口即溶，椰青鍋涮3秒鮮甜度×2
🇪🇸 伊比利亞黑毛豬橡果香撞椰湯，意外夾到震
🦪 海鮮拼盤（每台送1份）大大隻生蠔+拳頭大元貝+白鱔片+鮮鮑魚，唔夠皮，仲有沙白同埋蝦任叫
💥 澳洲M9和牛牛丸
一咬爆肉汁！牛油香攻心🤩
🍹 飲品進化論！$0任飲Highball攻勢🍸 最正係冰檸伴椰（必飲！）🌟
🥃 Highball，原價$58/杯，日本黑毛和牛套餐免費任飲，超爽！
🧋 經典珍珠奶茶同鴨屎香檸茶照常無限飲😍
🍠 香芋椰漿脆脆熱辣香芋炸到外脆內綿，淋冰凍椰漿+脆米，冷熱交織食到唔停口，就算飽都忍唔住食晒兩大嚿香芋🤣
🍨 MOVENPICK椰子雪糕，飯後指定動作！
💸 DSE學生有特別優惠，憑全日制學生證，於星期日至四21:00後入座減$30-$90(視乎套餐)
Post
