又再一次ENCORE牛站，不過今次係黎尖沙咀分店，同朋友行完街見肚餓當然又係懶人放題火鍋😆呢到有3個價位套餐可以選擇，今次我地揀左SRF美國極黑和牛片套餐，平日每位$288另收加一，食足120分鐘😉
裝修環境現代化，以淺木色調為主，枱面尚算闊落，有足夠空間放置食物👍🏻
1
1
掃QR CODE落單叫肉類、海鮮、小食之外，出面自助區可以自取蔬菜、丸類、麵類等，種類選擇眾多，而且望落質素都唔錯😄
調味醬料區有多款醬料提供，可以按自己口味混出心水醬料😆
冷熱飲品、茶類、汽水應有盡有，自家製杯裝珍珠奶茶都有🤩仲有清酒、梅酒、啤酒任飲，可以一邊食火鍋一邊飲啤酒，好爽快😎
甜品、雪糕當然唔少得🤤食飽飽都會留返最後一個胃黎食佢
1
先送上濃香芝士雞鍋湯底，見到黃黃地嘅湯底同芝士絲混合喺一起，聞到勁香嘅芝士氣味😍湯底用咗雞肉、芝士、牛奶等等熬成，味道香濃好滑口🤤
SRF美國極黑和牛片、美國安格斯牛板腱、美國牛肩胛片、手切封門柳：黎得放題梗係叫多D高質貴價肉類，呢幾款肉類係第二價位套餐先有😆肉質好香嫩，而且肥瘦比例好好，油花均勻，輕輕淥一淥就可以食，唔會過韌🤤我個人幾中意SRF美國極黑和牛片同手切封門柳，牛味十足夠滋味😍
西班牙豬五花片：油花佔嘅比例比較多，所以味道勁香兼且入口即溶，但唔好食太多，會好膩😆
海鮮方面：佢呢度嘅海鮮都係新鮮同彈牙嘅，有帆立貝、海蝦、沙白、水魷魚、象拔蚌片、連原隻鮑魚都有😍沙白比起一般嘅蜆更加肥美同彈牙，肉質細滑，有輕微嘅甜味，而且冇沙😊水魷魚切成薄片，再放入湯底中燙熟，肉質彈牙而帶點Q感😉象拔蚌片切得幾厚實，肉質彈牙而帶點脆感😋鮑魚肉質滑溜而帶點咬口，味道香濃😍我覺得佢哋同芝士湯底配起黎好惹味同滑口🤤
手打墨魚滑、美顏花膠、台北鴨血、牛白柏葉：佢呢啲都係我最愛食嘅火鍋配料之一😍手打墨魚滑打得好彈牙而帶點墨汁香氣；美顏花膠有濃郁嘅海洋香氣同彈牙嘅口感；台北鴨血用秘製嘅辣椒醬調味，好滑嫩又有咬口；牛白柏葉係用牛胃切成薄片，再放入湯底中燙熟，質感彈牙👍🏻
仲有水蓮等多種台灣直送食材，水蓮係一種水生植物，有清熱解毒嘅功效，味道清甜而帶點草香，好適合夏天食😊
燒乳鴿皇：呢個係牛站嘅特色小食之一，火鍋放題有乳鴿食都幾有新意😎乳鴿肉又好嫩滑，皮又好脆口，味道香濃
藤椒魚皮、麻辣鴨舌：呢D都係幾惹味嘅小食，調味得唔錯，好適合送住啤酒黎食😜
雪糕仲要係haagen dazs任食，最後一個胃當然要食返幾杯回一回本😝
用上優質靚牛肉豬肉同配料，仲有啤酒任飲同台灣直送食材，呢個價錢相當超值，值得推薦😋
2
1
2
1
補MENU
