潮成園正宗手打牛丸大王

有一段時間冇嚟啦，舖頭名話名牛丸大王，所以每次過開嚟探屋企人都特登落嚟幫襯，一定叫我必食至愛嘅牛丸，牛丸質素冇令我失望，依然保持彈牙爆汁，牛味濃郁。每次必食👍 ，屋企人叫咗魚蛋貢丸牛腩，除咗貢丸其它都一樣保持水準，貢丸就畀以前差咗好多，有啲失望，除咗冇乜香茹味，口感死實實，屋主人都話貢丸蘭差咗。魚蛋就爽滑符合預期，牛腩亦符合預期水準，冇令人失望，希望貢丸會有改善。

總體都一如既往，價錢合理，環境服務都唔錯。