美中·鴨子 (Closed)

之前行過海港城，見到有一間新的「鴨店」開張，看門面覺得幾特別，所以今天到海港城時，就趁機試下！一坐下見到枱上的餐具，不論是碟子及筷子台，很有「鴨店」的特色。當然，我們一場黎到要叫點鴨的食物，看了食評知道片皮鴨和小籠包是必食的。所以我們叫了半隻片皮鴨、小籠包、荼樹姑豆苗、炸雪糕及合桃芝麻糕。片皮鴨最小要order半隻，兩個人吃頗為叫力，我們覺得包鴨的蒸皮(不知正確稱呼)十分厚，令人吃兩、三件就飽肚，不過鴨皮就十分juicy。至於小籠包，上枱時的溫度適中，不太盪口，另外肉汁算足夠，一籠共有六隻，適合一家老小！至於甜品，炸雪糕做得十分出色，店子提供芒果、朱古力和雲呢拿，今次我們點了雲呢拿味，比其他店舖不算太漏，唔錯。至於合桃芝麻糕，未加花奶前，每口都有很豐富的芝麻味，但加上花奶，好像有點不倫不類，而且花奶有小小酸味。總括來說，菜式十分出色，但兩個人吃每樣菜也多了一點。