Video
Read full review
2022-06-18
412 views
聽日就係爸爸節老婆大人一早就約埋朋友提早同我慶祝，揀咗間好有feel嘅日本居酒屋開餐，佢幾年前試過已經話好唔錯今次終於都比我食到喇！入面嘅裝修好有日本嘅感覺，冇得去旅行嚟食餐日本嘢都唔錯吖！有人陪我飲酒整枝梅酒一齊嘆吓先，原來係餐廳自己釀嘅梅酒味道都幾清醇嗒得杯落。先嚟碟刺身一共有5種時食嘅海産，好似有石鯛薄切、油甘魚腩、帆立貝、金目鯛仲有大拖羅，我就最鍾意炙燒過嘅金目鯛魚皮焦香魚肉鮮味又有咬口。跟住一人一個北海道海膽鵝肝日式蒸蛋，香口嘅鵝肝加埋海膽同滑嘟嘟嘅蒸蛋一齊食太過瘾喇。喱個燒厚揚豆腐食落好鬼軟滑，面頭加咗啲柴魚同埋蔥花，啱晒唔鍾意咬硬嘢嘅我。喱隻阿波尾雞翼燒得勁香口皮脆肉嫩又juicy到不得了，好味到比十隻我都可以食得晒呀。日本北海道喜之次魚應該都無人不曉，師傅手勢好好燒到魚皮勁香脆，入面啲魚肉仲係好滑好鮮甜，加啲檸檬汁即刻吊起濃濃嘅魚味。牛魔王嘅我梗係要食牛啦先嚟一份鹽燒特上牛舌！牛舌夠厚身好有口感但又完全唔韌，只用少少鹽嚟調味已經好鬼正斗。再嚟係用小火爐上枱嘅朴葉味噌燒宫崎和牛，香菇大蔥連同和牛肉放喺朴葉味噌上面慢火煮熟，朴葉嘅香味就會融入味噌同其它食材入面，食嘅時候牛肉
入面嘅裝修好有日本嘅感覺，冇得去旅行嚟食餐日本嘢都唔錯吖！
有人陪我飲酒整枝梅酒一齊嘆吓先，原來係餐廳自己釀嘅梅酒味道都幾清醇嗒得杯落。
先嚟碟刺身一共有5種時食嘅海産，好似有石鯛薄切、油甘魚腩、帆立貝、金目鯛仲有大拖羅，我就最鍾意炙燒過嘅金目鯛魚皮焦香魚肉鮮味又有咬口。
跟住一人一個北海道海膽鵝肝日式蒸蛋，香口嘅鵝肝加埋海膽同滑嘟嘟嘅蒸蛋一齊食太過瘾喇。
喱個燒厚揚豆腐食落好鬼軟滑，面頭加咗啲柴魚同埋蔥花，啱晒唔鍾意咬硬嘢嘅我。
喱隻阿波尾雞翼燒得勁香口皮脆肉嫩又juicy到不得了，好味到比十隻我都可以食得晒呀。
日本北海道喜之次魚應該都無人不曉，師傅手勢好好燒到魚皮勁香脆，入面啲魚肉仲係好滑好鮮甜，加啲檸檬汁即刻吊起濃濃嘅魚味。
牛魔王嘅我梗係要食牛啦先嚟一份鹽燒特上牛舌！牛舌夠厚身好有口感但又完全唔韌，只用少少鹽嚟調味已經好鬼正斗。
再嚟係用小火爐上枱嘅朴葉味噌燒宫崎和牛，香菇大蔥連同和牛肉放喺朴葉味噌上面慢火煮熟，朴葉嘅香味就會融入味噌同其它食材入面，食嘅時候牛肉就會有陣獨特嘅香味都幾特别。
點都要有米到肚叫個香口嘅天丼先，喱個天丼係套餐嚟除咗天婦羅飯仲有前菜、茶碗蒸同埋味噌湯真係好鬼豐富，前菜係漬番茄老婆大人梗係第一時間要我食啦酸酸甜甜又幾正喎！丼飯上面有好幾種天婦羅好似大蝦、魚、南瓜、冬菇同埋番薯咁，天婦羅炸得好鬆脆最重要係唔會油淋淋，加埋軟熟嘅米飯我覺得正過乜乜助多多聲。
飯後整多碗三色雪糕就夠晒爽皮，我喺道祝天下爸爸父親節快樂。
鵜舞 UMAI
電話：27438011
地址：荔枝角長義街9號D2 Place一期地下2號舖
Post
