深井陳記燒鵝海鮮酒家

爸爸好少指明想食d咩，難得佢有日竟然話想食深井陳記既燒鵝，做女兒的我同妹妹們當然要搵日同佢去啦。於是我地定左父親節，一行12大5小，訂左2張枱齊齊去食晚餐。

1

店內的環境很舒服乾淨，而且燈籠很有特色，上面有深井陳記的名字，好鍾意餐具亦有餐廳的標誌。

黎到呢度當然要食燒鵝，美味既燒鵝配上出面很難食到既甜酸醬，yummy!!

豉椒炒蜆，有少少辣，好香，好食！

八寶冬瓜盅$138，清甜又好味，最啱夏天食！

白灼游水海蝦，一陣就比人食晒！

呢碟都好好食，但我已經唔記得叫咩名。

欖菜肉鬆四季豆$68

走時才發現地上會轉的射燈圖案。不得不提的是，這裡的服務超好超友善，就好似我出國去左旅行既招待咁，好親切。食完晚餐2分鐘行過對面有個小公園，望到好長既青馬大橋同馬灣。夜景好靚，晚風清爽，正！不計3名幼稚園的小孩，14人平均消費180蚊。