-
上網搵到喜記蟹將軍推出多款外賣套餐， 全單免運費，就算住係新界既我地想食都勁方便! 我地最後揀左雙蟹宴，HK$1688/4位用。
-
有喜記正宗炒辣蟹一隻、 薑蔥炒蟹一隻、 豉椒炒蟶子或蒜茸粉絲蒸北海道扇貝選一款、 辣酒煮東風螺、薑蔥焗沙巴龍躉魚、 椒鹽骨、金銀蛋浸時蔬、 招牌蟹油炒麵或瑤柱蛋炒飯或避風塘牛河選一款。 超級豐富既套餐，兩老樣樣都好滿意。
-
外送食物全部都會用鋁箔保溫袋， 送到黎屋企仲係熱辣辣架！ 兩老最欣賞以下菜式： 辣酒煮花螺好惹味，煮得入味，啖啖爽脆鮮甜。
-
薑蔥炒蟹味道鮮美，肉質鮮嫩清甜。
-
薑蔥焗沙巴龍躉魚口感嫩滑，肉爽味鮮， 用薑蔥焗更能提鮮。
-
我既大愛招牌蟹油炒麵炒得好香，麵條彈牙，沾滿蟹油香氣，口感極佳，非常特別。
