Video
Read full review
2019-06-17
1636 views
今日父親節，決定帶全家去燒烤。知道西貢有呢個無敵海景玻璃屋靚場，就一早book定位黎。一入場已經有專人準備好。呢呢度食物好多選擇，淨係雞翼已經有四款，仲有雞扒。全部都醃得好入味。我呢個牛魔王都有西冷同黑椒牛扒兩款。牛扒好大塊，燒完之後牛香更出，上左蜜糖之後，味道同平時係餐廳食開絕對有好大分別，肉質都再有所昇華。豬都有豬頸肉、豬扒等等。最中意燒豬頸肉，咬落夠曬爽。魚就有我最愛既多春魚，仲有秋刀魚。兩者比較我都係喜歡多春魚。多春魚真係好多春，食落超有咬口。丸方面，龍蝦丸係我首選，其他例如貢丸、墨魚丸都好彈牙。特別鍾意爆汁芝士腸，真係好多芝士！另外仲有雞肉腸。麵包有厚方包同法包，兩樣都食左，搽上牛油自製多士，超香脆。蔬菜都有菠蘿、青椒、番茄仔、茄子。呢度蜜糖同牛油大量供應。汽水、蘋果汁、橙汁、水都係任飲。橙汁係有粒粒橙添！不過為左慶祝父親節，都係自掏腰包用左$300左右買左紅酒、藍妹、涼茶比大家。紅酒比較甜，最適合平時無飲開酒既人。呢度一入場就比定每人一支全新燒烤叉，一個夾、幾個紙碟、幾個發泡膠碟、幾隻杯、同兩個細膠碗裝蜜糖同牛油，當然唔少得蜜糖掃，仲有兩盒紙巾。刀叉、筷子、手套、醬料就係出
一入場已經有專人準備好。
呢呢度食物好多選擇，淨係雞翼已經有四款，仲有雞扒。全部都醃得好入味。我呢個牛魔王都有西冷同黑椒牛扒兩款。牛扒好大塊，燒完之後牛香更出，上左蜜糖之後，味道同平時係餐廳食開絕對有好大分別，肉質都再有所昇華。
豬都有豬頸肉、豬扒等等。最中意燒豬頸肉，咬落夠曬爽。魚就有我最愛既多春魚，仲有秋刀魚。兩者比較我都係喜歡多春魚。多春魚真係好多春，食落超有咬口。丸方面，龍蝦丸係我首選，其他例如貢丸、墨魚丸都好彈牙。特別鍾意爆汁芝士腸，真係好多芝士！另外仲有雞肉腸。麵包有厚方包同法包，兩樣都食左，搽上牛油自製多士，超香脆。蔬菜都有菠蘿、青椒、番茄仔、茄子。
呢度蜜糖同牛油大量供應。
汽水、蘋果汁、橙汁、水都係任飲。橙汁係有粒粒橙添！不過為左慶祝父親節，都係自掏腰包用左$300左右買左紅酒、藍妹、涼茶比大家。紅酒比較甜，最適合平時無飲開酒既人。
呢度一入場就比定每人一支全新燒烤叉，一個夾、幾個紙碟、幾個發泡膠碟、幾隻杯、同兩個細膠碗裝蜜糖同牛油，當然唔少得蜜糖掃，仲有兩盒紙巾。刀叉、筷子、手套、醬料就係出面自取。
呢度個燒烤爐有塊鐵網升高，可以直接放食物上去燒，基本上唔洗用燒烤叉一路叉住，可以番枱食住先，差唔多先去反一反。所以不知不覺間我地就燒左好多野，可以不斷咁食食食。開心過係其他燒烤場燒啊。
我地燒左兩個鐘左右已經飽曬，就出左去出面個沙灘行下，睇下星。行多半個鐘消化下先渣車番屋企。
呢度屬於海灣會，同一個場仲有一間西餐同泰菜。出面仲有個沙灘添！個場咁有地利優勢，佔地又大，都幾適合搞大型活動或者搞婚禮。
Post
