韓舍 (Closed)

一行10個人好耐冇聚，所以相約左夜晚7點韓舍等，早左一個禮拜book台，上到去都係要等半個鐘，雖然耐左d但尚可接受。入座開爐，因為台細，所以開左兩張台，每枱有一個特製爐，算係有d特色。可惜個爐係唔夠熱嘅，兩個都唔多熱。一塊趴要成15分鐘先熟，相比其他6-7分鐘已經熟，好明顯特登令你食得冇咁快。經過多翻要求，終於換左台，然而新嗰兩個爐都係唔熱，所以呢個我地都幾肯定係蓄意咁慢火減低成本的。食物方面，好多都好鹹，魚柳，牛肉都鹹。豬趴個d就ok，但因為實在係好耐先熟，只有少食d喇。其他熟食都好少選擇，而且唔好食。飲品方面，要加錢先有，只不過得汽水，豆漿冇，果汁都冇。啤酒又要額外再加錢。到最後，明明有兩個鐘時間食，個半鐘就開始趕客，而且不斷催，最後頂唔順都係唯有走，費事激氣。總結就係，食放題食韓燒咁多次，今次真係第一次連女仔都食唔飽走人。