Boy n Burger (Closed)

今次嚟到灣仔嘅Boy N Burger，入門就見到經典漢堡包店嘅裝潢🍔，明亮嘅光線、整齊嘅瓷磚比人一種乾淨舒服嘅感覺，馬上準備好心情大快朵頤！煙肉雙層芝士漢堡$68Boy N Burger嘅漢堡真係好足料😋，呢個煙肉雙層芝士漢堡有滿滿嘅香脆煙肉粒，為濃郁牛肉味加入豐富風味，而半融芝士嘅黏稠亦與濕潤嘅肉扒融合，非常平衡好味！👍🏻招牌炸雞漢堡 $50首先要讚佢嘅炸雞係香脆而不油膩，咬落去肉汁四濺，非常Juicy🐔，配上生菜同蕃茄等較清新嘅配料🍅，整體嚟講係一個好無負擔感、清新嘅口味，醬料都係酸酸甜甜嘅蛋黃醬，非常滋味。薯條（跟餐配飲品 $30）又粗又脆，分量又大，本身已經帶有少少調味，好味🍟！炸薯粒 （跟餐配飲品 $30）我好鍾意呢個炸薯粒嘅口感，香脆嘅外表，但咬落去係粒粒分明，可以感受到大薯粒分散為小薯粒，口感一流🥔！最後要讚呢度嘅可樂係任斟嘅，飲完一杯唔夠喉可以再斟，飲到爽為止！