瓏門冰室 (Closed)

喺尖沙咀趕住喺上堂前食啲嘢，衝咗入去龍門冰室。叫咗個常餐，要鮮牛肉米粉改番茄湯底，炒蛋白，仲有多醬奶醬厚多士。見佢鋪面多人，同姨姨講咗句唔好意思我趕時間，可唔可以快少少。點知轉個頭就嚟咗個爆足料嘅常餐！我第一次試龍門嘅番茄湯底，原來重點唔係蕃茄，而係多到鋪滿晒成個碗大大舊嘅薯仔（終於明白點解佢要加錢😅）！不過趕住食，差唔多KO哂啲薯仔之後先記得影相。蛋白好足料，炒得超滑，厚多士啲花生醬多到咇哂出嚟，好誇張，好好食，係我喺尖沙咀快靚正至抵之選！