Video
Read full review
2018-10-03
1266 views
最近在公司附近發現左一間隱藏係工廈當中的樓上日本餐廳, 佢俾我的第一印象就係非常有“爆炸感”! 因為佢每款丼飯上面的刺身係都係裝得非常爆滿, 而且擺得非常靚, 就算未能食到, 齋睇都令人覺得有滿足感. 龍蝦刺身爆丼 果然係視覺效果非常爆的丼飯! 除左有新鮮的三文魚, 八爪魚,希二靈魚,吞拿魚等刺身外, 仲有大大隻嘅龍蝦做主角, 非常吸睛! 兩隻龍蝦鉗大大隻, 仲有好多肉可以食; 而龍蝦身啲肉就拆出黎切粒連同青瓜等食材整左個沙律, 清爽又開胃; 北極海膽杯 海膽杯顏色豐富, 非常吸睛. 由上至下每層的材料都唔同, 每食到一層都有唔同的味道同口感, 層次感分明. 有脆卜卜的香口魚仔脆片, 軟綿鮮味的新鮮海膽, 味道鹹鹹地有海水味的海葡萄, 一樣鹹鹹地但就帶有魚味的三文魚籽, 滑嘟嘟的海膽豆腐, 啖啖肉的蟹肉, 同埋綿滑香甜又唔 “漏”的紫薯蓉. 築地壽司杯 包括左有海膽杯, 蝦刺身杯, 三文魚刺身杯, 魷魚刺身杯, 吞拿魚他他杯 同埋 吞拿魚紫菜卷. 每款都係細細杯細細件咁, “的式” 又可愛, 未食齋睇已經好吸引. 除左睇得之外都食得下咖. 上面啲刺身都好新鮮, 質素都唔錯.
最近在公司附近發現左一間隱藏係工廈當中的樓上日本餐廳, 佢俾我的第一印象就係非常有“爆炸感”!因為佢每款丼飯上面的刺身係都係裝得非常爆滿, 而且擺得非常靚, 就算未能食到, 齋睇都令人覺得有滿足感.
龍蝦刺身爆丼
果然係視覺效果非常爆的丼飯! 除左有新鮮的三文魚, 八爪魚,希二靈魚,吞拿魚等刺身外, 仲有大大隻嘅龍蝦做主角, 非常吸睛!
兩隻龍蝦鉗大大隻, 仲有好多肉可以食;
而龍蝦身啲肉就拆出黎切粒連同青瓜等食材整左個沙律, 清爽又開胃;北極海膽杯
海膽杯顏色豐富, 非常吸睛. 由上至下每層的材料都唔同, 每食到一層都有唔同的味道同口感, 層次感分明.
有脆卜卜的香口魚仔脆片, 軟綿鮮味的新鮮海膽, 味道鹹鹹地有海水味的海葡萄, 一樣鹹鹹地但就帶有魚味的三文魚籽, 滑嘟嘟的海膽豆腐, 啖啖肉的蟹肉, 同埋綿滑香甜又唔 “漏”的紫薯蓉.築地壽司杯
包括左有海膽杯, 蝦刺身杯, 三文魚刺身杯, 魷魚刺身杯, 吞拿魚他他杯 同埋 吞拿魚紫菜卷.
每款都係細細杯細細件咁, “的式” 又可愛, 未食齋睇已經好吸引. 除左睇得之外都食得下咖. 上面啲刺身都好新鮮, 質素都唔錯.
而我就揀左個海膽杯啦, 海膽顏色金黃, 入口即溶化, 海膽的鮮味同甜味慢慢係口中化開, 美味至極.和風牛肉爆丼
鋪在飯面上的牛肉都幾多, 肥瘦都適中, 食落口感唔會話好“柴”或者好多肥肉好油膩咁. 加上味道甜甜地的和風醬汁, 撈埋啲飯一齊食簡直係 “正” !除左牛肉外, 旁邊的 “糖心蛋” 都唔執輸, 充滿蛋香的金黃色蛋黃汁液慢慢流出, 簡直引死人~
活貝大盛 (有活鮑魚, 岩蠔, 北海道帆立貝&白蜆)
整體上質素都算OK, 口感新鮮. 燒活鮑魚彈牙有口感; 燒岩蠔雖然唔大隻但都有蠔味; 燒北海道帆立貝鮮甜彈牙; 而燒白蜆就够肥美.香桃蟹籽沙律
香甜大舊的香桃肉 配上切絲的蘋果肉, 入口非常香甜又清新, 十分健康的一道水果沙律. 而鋪在上面的蟹籽, 令整碟沙律增添左唔少色彩同埋口感.
Post
