1) 灌湯小籠包(4個) 👉$32
剛出籠既小籠包一定要趁熱跟薑絲仲有醋快快送入口(不過小心熱啊)，皮薄餡靚汁多啊!!我連食兩個，如果唔係宵夜，我應該自已食一籠。
2)川味無骨鳳爪👉$29
份量比想像中細碟，味道亦無想像中濃味，只有淡淡辣香油味，不過食到最尾，點住啲汁食味道濃郁好多(下次要撈下再食!)，而鳳爪彈牙唔腍身，加埋啲青爪絲食，帶出左開胃既咪道，如果可以再凍啲會好更好食。
3)酸辣湯麵👉$38
嗅落味道唔錯，食落辣味比較重而酸味比較淡，湯底較稠身，麵既硬度岩岩好，配料多多而且份量十足，整體唔錯。(建議：麵到即撈一撈下，咁麵就唔會稠成一團)
食到最尾，點埋個生煎包食。食生煎包係有技巧的，鋪頭好細心張貼左*生煎包四步曲*教你點食~
4)上海生煎包(2個)👉$16
生煎包一點好快就到，時間快到肥妹仔我以為係放左好耐，點知驚喜出現👉包係熱辣辣，而且底部煎到脆皮金黃色，皮薄而底較厚(因為厚底煎果陣可保留肉汁)，咬落淡淡肉香味，而且肉汁唔小啖啖均有。值得再點再食。
肥妹仔成十點到達，都有人食緊，而且期間，斷斷續續都有人黎。落單最後時間係11:30除左收現金，仲可以比八達通仲有仲有唔收加一架
