勝田牛舌專門店

Open Now

Now Closed

🥩 仙台風燒牛舌定食 極尚180g HK$98・味道：​牛舌好彈牙多汁，切到一口size，易入口！燒到啲牛脂香好出，加埋檸檬同埋小小照燒醬甜味，整體夠fresh～牛肉汁多濃郁，配蔬菜盤同蕎麥飯，大份飽肚！・口感：嫩口彈牙！👅 吉列牛舌配牛舌薯餅定食 HK$58・味道：​牛舌薯餅好綿密，啲牛舌都打成蓉，有牛肉香嘅，如果留返啲牛舌粒更好！吉列牛舌一咬開起晒肉絲好似好柴咁，其實食落還好喎，的確偏熟嘅但未到會攝耳罅，個炸皮夠薄夠脆，配埋個甜嘅醬油膏，呢個價錢冇投訴～・口感：炸皮脆，牛舌唔好overcook就好了～🍗 雞皮餃子 套餐價＋$25・味道：​雞皮炸得夠乾身唔油，餡料豐富啖啖肉，咬落有汁爆出嚟，加埋雞油幾香口好食・口感：脹卜卜，好食！🍗 蟹肉忌廉薯餅 套餐價＋$25・味道：​呢個幾香蟹肉同忌廉味，同樣炸得脆口乾身唔油膩。・口感：正常發揮。・・・・・・・・・・・・・・・・・・・・🤰性價比：高～🤰9衝度：9衝～🤰結論：呢個熟食市場真係卧虎藏龍，之前介紹過嘅港式炒飯店、越泰好西都喺度，呢間良心牛舌小店，附近打工仔要朝聖一波！