爆丼丼 (Closed)

之前黎食過一次，喺門口排隊排好耐，好彩今次早到，霸番個靚位先。好肚餓，今次一定食得晒。碗碗飯都咁吸引，揀邊款好呢⋯⋯坐左10分鐘已經爆場，下次都係book定枱穩陣啲。我又黎啦，次次都要食芝士年糕，熱辣辣吹卜卜，裏面軟綿綿又唔油，正！鰻魚飯黎左啦，有冇搞錯，條鰻魚仲長過隻碗，條鰻魚好juicy，仲有滑滑嘅滑蛋。朋友仔個極上生魚丼都好浮誇，有五款刺身，片片都係厚切，顏色紅潤，咬落好有鮮味，新鮮度高。本身個飯有一個面豉湯，加5蚊可以轉汽水。